- २०८१ बैशाख २२ शनिबार
काठमाडौँ । इङलिश प्रिमियर लिग अन्तर्गत लिभरपुलले क्रिस्टल प्यालेसलाई पराजित गरेको छ ।
गएराती सम्पन्न खेलमा लिभरपुलले क्रिस्टल प्यालेसलाई ३-० गोल अन्तरले पराजित गरेको हो ।
लिभरपुलको जितमा साडियो माने, मोहमद सलाह र नाबी केइटाले एक एक गोल गरेका थिए ।
यो खेलपछि लिभरपुलले लिगमा ५ खेलमा ४ जित र एक बराबरीसहित १३ अंकसहित शिर्ष स्थानमा उक्लिएको छ । त्यस्तै क्रिस्टल प्यालेसको ५ खेलमा ५ अंक रहेको छ ।
गएरातीनै सम्पन्न अर्को खेलमा म्यानचेस्टर सिटी साउथहम्पटनसँग गोलरहित बराबरीमा रोकिएको छ । घरेलु मैदानमा सिटी गोलरहित बराबरीमा रोकिएको हो ।
यो बराबरीपछि म्यानचेस्टर सिटीको ५ खेलमा ३ जित, एक बराबरी र एक हारपछि १० अंक रहेको छ । त्यस्तै साउथहम्पटनले सिटीसँग बराबरी खेल्दै ५ खेलमा पहिलो अंक हासिल गरेको छ । साउथहम्पटनले यस अघिका ४ खेलमा हार बेहोरेको थियो ।
