काठमाडौँ । सत्तारुढ दल नेपाल कम्युनिष्ट पार्टी (नेकपा) को सचिवालय बैठक अपराहन्न १ बजे नै बस्ने भएको छ ।
नेकपाका प्रवक्ता नारायणकाजी श्रेष्ठले सचिवालय बैठक यस अघि तोकिएकै समयमा अपराहन्न १ बजे बालुवाटारमा बस्ने जानकारी दिएका छन् ।
त्यस्तै सचिवालय बैठककै समयमा बोलाइएको मन्त्रिपरिषद बैठक भने एक घण्टा पर २ बजेका लागि सारिएको छ । यस अघि प्रधानमन्त्री केपी शर्मा ओलीले मन्त्रिपरिषदको बैठक अपराहन्न १ बजेका लागि नै बोलाएका थिए ।
यस अघि कार्तिक २८ गते बसेको सचिवालय बैठकमा अध्यक्ष पुष्पकमल दाहाल प्रचण्डले पेश गरेको १९ पेजको प्रतिवेदनपछि तरंगित भएको नेकपाको आजको सचिवालय बैठकप्रति सबैको ध्यानाकर्षण भएको छ ।