- २०८१ बैशाख १५ शनिबार
बुटवल । दाङको भालुवाङ प्रदेश सभाबाट प्रदेशको स्थायी राजधानी बनेपछि स्थानीयले निर्णयको स्वागत गर्दै खुशीयाली मनाएका छन् ।
उनीहरुले भालुबाङमा दीप प्रज्वलन गरेर खुशीयाली मनाएका थिए ।
स्थानीय सरकार, व्यवसायी, सर्वसाधारण, राजनीतिक दल, संघ संस्थाहरु राष्ट्रिय झण्डा लिएर दिपावली गरेका छन् । उनीहरुले औपचारिक स्वागतको तयारी समेत गरेको बताएका छन् ।
प्रदेश ५ को प्रदेश सभा बैठकले आज प्रदेशको नाम लुम्बिनी र राजधानी दाङको भालुवाङ राख्ने प्रस्ताव दुई तिहाईले पारित गरेको थियो ।
योसँगै पाँच प्रदेशले नाम र राजधानी पाएका छन् । अब प्रदेश २ र प्रदेश एकको नाम र राजधानी टुंगाउन बाँकी रहेको छ ।
