- २०८१ बैशाख १७ सोमबार
काठमाडौँ । प्रमुख प्रतिपक्षी दल नेपाली काँग्रेसका संसदीय दलका उपनेता विजयकुमार गच्छदार सांसद पदबाट निलम्बित भएका छन् ।
अख्तियारले बालुवाटारको जग्गा प्रकरणमा दोषी रहेको भन्दै गच्छदारविरूद्ध बुधबार विशेष अदालतमा मुद्दा दायर गरेपछि उनको सांसद पद निलम्बन भएको हो ।
माधवकुमार नेपाल नेतृत्वको सरकारमा गच्छदार भौतिक पूर्वाधार मन्त्री हुदा ललितानिवासको सरकारी जग्गा नक्कली मोही हुँदै व्यक्तिका नाममा पुगेको थियो ।
तत्कालिन भौतिक पूर्वाधार मन्त्री गच्छदारले नै सो जग्गा सम्बन्धिप्रस्ताव मन्त्रिपरिषद्मा लगेका थिए ।
अख्तियार दुरूपयोग अनुसन्धान आयोगसम्बन्धी ऐनको दफा १७ मा सार्वजनिक पद धारण गरेको व्यक्तिलाई भ्रष्टाचार आरोपमा मुद्दा चलेको अवस्थामा किनारा नभएसम्म स्वत: निलम्बन हुने व्यवस्था अनुसार गच्छदार निलम्बनमा परेका हुन् ।
यस प्रकरणमा अख्तियारले गच्छदारसँग बयान समेत लिएको थियो ।
