- २०८१ बैशाख २३ आइतबार
काठमाडौँ । दक्षिण अफ्रिकी ब्याट्सम्यान डेभिड मिलरले टि-२० क्रिकेटमा नयाँ रेकर्ड बनाएका छन् ।
दक्षिण अफ्रीका भ्रमणमा रहेको बंगलादेशविरुद्ध खेलेको अन्तिम टि-२० खेलमा डेभिड मिलरले ३५ बलमा सय रन बनाएर नयाँ रेकर्ड बनाएका छन् ।
२८ बर्षिय ब्याट्सम्यान मिलर शुन्यमा हुँदा जीवन दाङ पाएका थिए । मिलरले आफ्नो इनिंगमा ७ चौका र ९ छक्का हानेका थिए । मिलरले १९औ ओभरमा ५ छक्का हानेका थिए ।
यस अघि वेस्ट इन्डिजका ब्याट्सम्यान क्रिस गेलले ४८ बलमा सतक बनाएको रेकर्ड राखेका थिए ।
मिलरले अहिले सम्म ५७ टि-२० खेल खेल्दै १०३२ रन बनाएका छन् । त्यस्तै आइपिएलमा पनि ६६ खेल खेल्दै मिलरले १५६३ रन बनाएका छन् ।
