- २०८१ मङ्सिर ७ शुक्रबार
काठमाडौं। साहित्यकार तथा सञ्चारकर्मी दाहाल यज्ञनिधिको निधन भएको छ ।
दाहाल यज्ञनिधिको उपचारको क्रममा शुक्रबार साँझ सुमेरु अस्पतालमा निधन भएको हो। फेरिएको मृर्गौलाले काम नगरेपछि लामो समयदेखि डायलसिस गर्दै आएका दाहाल बुधबार बिहान घरमै लडेपछि गम्भीर बिरामी भएका थिए ।
दुईवटै मृर्गौलाले काम नगरेपछि २०५७ फागुन १० गते उनको मृर्गौला फेरिएको थियो। फेरेको मृर्गौलाले काम नगरेपछि २०६८ साउत २२ गतेदेखि ओछ्यान परेका दाहाल त्यसगता डाइलसिस गराउँदै आएका थिए ।
सञ्चारकर्मी दाहाल नेपाली रेडियो उद्घोषणमा चर्चित नाम हो । रेडियो नेपाल, एचबिसी एफएममा लामो समय बिताएका दाहाल पछिल्ला दिनमा रेडियो अन्नपूर्ण नेपालमा कार्यरत थिए ।
नेपाली निबन्ध कविता र गीतका सर्जक दाहालको साझा प्रकाशनबाट ‘जदौका निबन्ध’ नाम एकमात्र कृति प्रकाशित छ । ६५ वर्षीय दाहाल काठमाडौंको मण्डिखाटारस्थित घरमा आमा र श्रीमतीसँग बस्दै आएका थिए ।
