- २०८२ फाल्गुण ९ शनिबार
काठमाडौँ । रौतहटमा दुई समुदायबीच बढेको विवादको विषयमा छलफल गर्न केन्द्रीय सुरक्षा समितिको बैठक बसिरहेको छ ।
केन्द्रीय सुरक्षा समितिका अध्यक्ष एवं गृहमन्त्री ओमप्रकाश अर्यालको अध्यक्षतामा जारी बैठकमा चारवटै सुरक्षा निकायका उच्च पदाधिकारीहरुको उपस्थिति रहेको छ । बैठकमा विशेषगरी मधेश–तराईमा देखिएको जातीय, धार्मिक, र निर्वाचनसँग सम्बन्धित सुरक्षा चुनौतिका विषयमा छलफल भइरहेको मन्त्रालयले जनाएको छ । उपयुक्त विषयमा छलफल भई आवश्यक निर्णय हुने जनाइएको छ ।
त्यस्तै बैठकमा मुलुकको समसामयिक विषय तथा समग्र शान्ति सुरक्षा र निर्वाचन सम्बन्धी विषयवस्तुमा समेत छलफल भइरहेको गृहमन्त्री अर्यालको सचिवालयले जानकारी दिएको छ ।
