दक्षिण कोरियाली लडाकु विमानले गल्तिले ८ बम खसाल्यो, ७ जना घाइते

काठमाडौँ । दक्षिण कोरियाली वायुसेनाले सैन्य अभ्यासका क्रममा एउटा लडाकु विमानले गल्तिले सर्वसाधारणमाथि आठ बम खसालेको बताएको छ । घटनामा सात जना घाइते भएका छन्, जसमध्ये चार जना गम्भीर घाइते छन्।

दक्षिण कोरियाली वायुसेना केएफ-१६ विमानसँग सम्बन्धित घटना स्थानीय समय अनुसार बिहान उत्तर कोरियाली सीमा नजिकैको पोचियोन शहरमा भएको थियो ।

गल्तीले खसालिएका आठ बममध्ये एउटा मात्र बम विस्फोट भएको बिबिसीले उल्लेख गरेको छ । पोचियानका अधिकारीहरूले बम डिस्पोजल टोलीले अन्य सात बमहरूलाई सुरक्षित रूपमा नष्ट गर्न काम गरिरहेको बताएका छन् ।

बम खसेको क्षेत्र वरपर बस्ने मानिसहरूलाई सुरक्षित स्थानमा लगिएको बताइएको छ । स्थानीय सञ्चारमाध्यमका अनुसार यस घटनामा दुई जनाको घाँटी र काँधमा भाँचिएको छ ।