लिभरपुल च्याम्पियन्स लिगको नकआउट चरणमा

काठमाडौँ । लिभरपुल युइएफए च्याम्पियन्स लिगको राउण्ड १६ मा पुगेको छ ।

गएराती सम्पन्न खेलमा फ्रेन्च क्लब लिले ओलम्पिक स्पोर्टिंग क्लबलाई २-१ गोल अन्तरले पराजित गर्दै लिभरपुलले यस सिजनको च्याम्पियन्स लिगको नकआउट चरणमा आफ्नो स्थान सुरक्षित गरेको हो ।

लिभरपुलको जितमा मोहमद सलाह र हार्भी ऐलीओटले एक एक गोल गरेका थिए ।

त्यस्तै लिलेका लागि जोनाथन डेभिडले एक गोल गरेका थिए । यस खेलमा खेलको ५९औ मिनेटमा एइसा मान्दीले रातो कार्ड पाएपछि लिले १० खेलाडीमा सिमित भएको थियो ।

यो जितसँगै यस सिजनमा लिभरपुल अपराजित रहदै ७ खेलमा २१ अंकसहित शिर्ष स्थानमा रहेको छ र राउण्ड १६ मा पुगेको छ । त्यस्तै लिलेको भने ७ खेलपछि १३ अंक रहेको छ र ११औ स्थानमा छ ।