बलिवुड अभिनेता सैफ अली खानलाई आक्रमण गरेका संदिग्ध व्यक्ति पक्राउ

काठमाडौँ । बलिवुड अभिनेता सैफ अली खानलाई उनकै घरमा पुगेर चक्कुले आक्रमण गरेका संदिग्ध व्यक्ति पक्राउ परेका छन् ।

प्रहरीले उनलाई पक्राउ गरेर सोधपुछ गरिरहेको भारतीय मिडियाहरुले उल्लेख गरेका छन् ।

प्रहरीका अनुसार आक्रमणपछि बान्द्रा रेलवे स्टेशन नजिकैको सीसीटीभीमा संदिग्ध व्यक्ति देखिएको थियो । उनलाई यही क्षेत्रबाट हिरासतमा लिइएको बताइएको थियो । जनवरी १५ मा बिहान २.३० बजे संदिग्ध व्यक्ति सैफको घरको छैटौं तलाबाट तल झर्दै गरेको सिसिटिभी देखिएको थियो ।

यस आक्रमणमा अभिनेतालाई घाँटी, ढाड, हात र टाउको सहित ६ ठाउँमा चक्कु प्रहार गरिएको थियो । घाइते सैफ अली खानको हाल लीलावती अस्पतालमा उपचार भइरहेको र उनी हाल खतरामुक्त रहेको अस्पतालले जानकारी दिएको छ ।