भारतमा २०२४ मा बिरियानी बन्यो लोकप्रिय खाना

काठमाडौँ । भारतमा २०२४ मा सबैभन्दा लोकप्रिय खाना बिरियानी बनेको छ ।

अनलाइन खाना वितरण सेवा प्रदायक स्विगीले अर्डर ढाँचामा आफ्नो रिपोर्ट जारी गरेको छ । उनीहरुका अनुसार २०२४ मा देशमा सबैभन्दा बढी बिरयानी अर्डर गरिएको थियो । विशेष कुरा के छ भने पछिल्लो ९ वर्षमा बिरयानी भारतमा सबैभन्दा बढी अर्डर गरिएको खाना हो । यस वर्ष प्रत्येक सेकेन्डमा दुई बिरयानी अर्डर गरिएको थियो भने भारतमा १ मिनेटमा १५८ बिरयानी अर्डर गरिएको थियो ।

स्विगीका अनुसार, २०२४ मा ८.३ करोड अर्डरका साथ प्लेटफर्ममा सबैभन्दा धेरै अर्डर गरिएका खानाको सूचीमा बिरयानी शीर्ष स्थानमा रहेको छ । जबकि मसाला डोसा २.३ करोड अर्डरका साथ दोस्रो स्थानमा रह्यो । बैगलुरुले यो वर्ष पनि मसाला डोसा खानमा आफ्नो प्रभुत्व कायम राखेको छ । त्यहाँका मानिसहरूले जनवरी १ देखि नोभेम्बर २२ सम्म २५ लाख डोसा अर्डर गरेका थिए ।

स्विगीको ‘फुड ट्रेन्ड रिपोर्ट’ का अनुसार चिकेन बर्गरपछि राति अबेरसम्म खाइने दोस्रो सबैभन्दा मनपर्ने परिकार बिरयानी थियो । चिकेन बर्गरको लागि अधिकतम १८.४ लाख अर्डरहरू १२ र २ बजे बीचमा गरिएको थियो । छोले, आलु पराठा र कचोरी सबैभन्दा धेरै दिल्ली, चण्डीगढ र कोलकातामा अर्डर गरिएको थियो । यसबाहेक, बिरयानी रेलहरूमा सबैभन्दा अर्डर गरिएको परिकार थियो ।

रिपोर्टका अनुसार स्विगीका डेलिभरी पार्टनरहरूले कुल १.९६ बिलियन किलोमिटर कभर गरेका छन् । यो कश्मीरदेखि कन्याकुमारीसम्म ५.३३ लाख पटकको यात्रा बराबर हो । कपिल कुमार पाण्डे स्विगीको उत्कृष्ट प्रदर्शन गर्ने डेलिभरी पार्टनरहरूको सूचीमा शीर्ष स्थानमा छन्, जसले मुम्बईमा १० हजार ७०३ डेलिभरीहरू गरेका छन् । कोइम्बटूरकी कालीश्वरी एमले ६ हजार ६५८ अर्डरहरू वितरण गरेर महिला साझेदारहरूमा अग्रणी रहेकी छन् ।