- २०८१ मङ्सिर ३० आइतबार
काठमाडौँ । स्पेनिस ला लिगा अन्तर्गत रियल म्याड्रिड बराबरीमा रोकिएको छ ।
गएराति सम्पन्न खेलमा रियल म्याड्रिड रायो भल्लेकानोसँग ३-३ गोलको बराबरीमा रोकिएको हो । रियल म्याड्रिडले २-० गोलले पछि परेको अवस्थामा खेलमा कमब्याक गरेको थियो ।
रियलका लागि फेडेरिको भलभेरडे, जुडे बेलिङघम र रोड्रीगोएल एक एक गोल गरेका थिए । यस खेलमा रियल म्याड्रिड किलीयन एम्बाप्पे बिना खेलेको थियो ।
त्यसैगरी रायो भल्लेकानोका लागि उनाइ लोपेज, अब्दुल मुमिन र इसी पालाजोनले एक एक गोल गरेका थिए ।
यो बराबरीपछि रियल म्याड्रिडको १७ खेलमा ३७ अंक भएको छ र लिगमा दोस्रो स्थानमा छ । रियल म्याड्रिड शिर्ष स्थानमा रहेको बार्सिलोना भन्दा एक अंकले पछि रहेको छ ।
त्यसैगरी रायो भल्लेकानोको १६ खेलमा २० अंक रहेको छ र १३औं स्थानमा छ ।
