- २०८१ मङ्सिर ३० आइतबार
काठमाडौँ । नेपाल प्रिमियर लिग (एनपीएल) अन्तर्गत आज दुई खेल हुदै छन् । आज पहिलो खेल बिहान ९: १५ बजेदेखि विराटनगर किंग्स र काठमाडौँ गुर्खाजबीच हुदै छ ।
काठमाडौँ गुर्खाजको ६ खेलमा ६ अंक रहेको छ र पाँचौं स्थानमा रहेको छ । प्लेअफमा पुग्न काठमाडौँलाई यो खेल जित्नैपर्ने अवस्थामा रहेको छ । यो खेल जितेपछि पनि रनरेटको आधारमा अन्य खेलको नतिजापछि काठमाडौँको प्लेअफको टुंगो लाग्ने छ । विराटनगर किंग्स भने प्लेअफको दौडबाट बाहिरिएको छ ।
त्यस्तै आज अर्को खेल अपराह्न १: १५ बजेदेखि पोखरा एभेन्जर्स र सुदूरपश्चिम रोयल्सबीच हुदै छ ।
पोखरा प्लेअफको दौडबाट बाहिरिएको छ भने सुदूरपश्चिम भने ५ खेलमा ८ अंकसहित दोस्रो स्थानमा रहेको छ । सुदूरपश्चिमले भने यो खेल जितेमा प्लेअफको स्थान सुरक्षित गर्ने छ ।
