- २०८१ मङ्सिर २० बिहीबार
काठमाडौँ । नेपाल प्रिमियर लिग (एनपीएल) अन्तर्गत बिराटनगर किंग्सले लुम्बिनी लायन्सलाई पराजित गरेको छ ।
टियु क्रिकेट मैदानमा बुधबार सम्पन्न खेलमा बिराटनगरले लुम्बिनीलाई २ विकेटले पराजित गरेको हो ।
लुम्बिनीले दिएको १९२ रनको लक्ष्य पछाएको विराटनगरले १९.५ ओभरमा ८ विकेट गुमाउदै लक्ष्य पुरा गरेको थियो ।
विराटनगरको जितमा लोकेस बमले सर्बाधिक ७१ रन बनाए भने बसिर अहमदले ४० र मार्टिन गप्टिलले २८ रन बनाएका थिए ।
यसअघि लुम्बिनीले पहिला ब्याटिंग गर्दै २० ओभरमा ७ विकेट गुमाएर १९१ रन बनाएको थियो ।
यो जितपछि बिराटनगरको ३ खेलमा २ अंक भएको छ भने लुम्बिनीले आफ्नो पहिलो खेलमा हार बेहोरेको छ ।
