- २०८१ मङ्सिर २० बिहीबार
काठमाडौँ । फ्रान्सका प्रधानमन्त्री मिशेल बार्नियरविरुद्ध अति दक्षिणपन्थी र वामपन्थी दलहरूले अविश्वासको प्रस्ताव पेश गरेका छन् । बुधबार यस विषयमा मतदान हुने सम्भावना रहेको र त्यसमा सरकार ढल्ने निश्चित मानिएको छ ।
दक्षिणपन्थी राष्ट्रिय र्याली (आरएन) नेतृ मरिन ले पेनले संसदमा बार्नियरले स्थिति खराब बनाएकाले उनलाई हटाउन आवश्यक रहेको बताएकी छन् ।
बर्नियर सेप्टेम्बरको सुरुमा प्रधानमन्त्री भए । अन्तिम क्षणका केही आश्चर्यहरू नभएसम्म, बर्नियरको अल्पसंख्यक सरकार फ्रान्समा १९६२ पछि अविश्वासको मतबाट पतन हुने पहिलो हुनेछ ।
आरएन सांसदहरू र वामपन्थी दलहरू मिलेर बर्नियरलाई पराजित गर्न पर्याप्त मत संसदमा रहेको छ ।
ले पेनले आफ्नो पार्टीका सांसदहरूले उनको प्रस्ताव र वामपन्थी पार्टीको अविश्वास प्रस्तावको समर्थनमा मतदान गर्ने बताइन् । यी प्रस्तावहरूमा बुधबार मतदान हुने अपेक्षा गरिएको छ ।
फ्रान्सको ५७७ सदस्यीय तल्लो सदन नेशनल एसेम्बलीमा विपक्षी दलहरुको ३६४ मत रहेको छ भने सत्तारुढ दलहरुको २१३ मत रहेको छ ।
