- २०८१ बैशाख २१ शुक्रबार
धरान । धरान उपमहानगरका मेयर हर्क साम्पाङले बीपी कोइराला स्वास्थ्य विज्ञान प्रतिष्ठानको समस्या समाधानको माग गर्दै स्वास्थ्य मन्त्रालयलाई पत्र लेखेका छन् ।
मंगलबार मेयर साम्पाङले बीपी प्रतिष्ठानमा देखिएको समस्या तत्काल समाधानको माग गर्दै स्वास्थ मन्त्रालयलाई पत्र लेखेका हुन् ।
उनले प्रतिष्ठानका कायममुकायम उपकूलपति प्रा.डा. प्रह्लाद कार्की कार्यालयमा हाजिर गराई प्रतिष्ठानमा देखिएको समस्याको निकासा दिन अनुराध गरेका छन् ।
प्रतिष्ठानमा कार्यरत चिकित्सक र कर्मचारी तहगत बढुवा नभएको भन्दै आदोलनमा छन् । उनीहरुको आन्दोलनका कारण सेवा प्रभावित भएको छ ।
साम्पाङले सोमबार कायममुकायम उपकूलपति प्रा.डा. कार्कीको कार्यकक्षमा ताला लगाएका थिए । उनले कार्यालयमा हाजिर नभएर बाहिरबाट काम गरेको र प्रतिष्ठानका समस्या समाधान नगरेको आरोप लगाउदै तालाबन्दी गरेका थिए ।
