- २०८१ बैशाख २२ शनिबार
काठमाडौँ । अजय देवगन, रणवीर सिंह, अक्षय कुमार पछि अब धेरै ठूला स्टार रोहित शेट्टीको आगामी फिल्म सिंघम अगेनमा आउने भएका छन् । दीपिका पादुकोणपछि अब टाइगर श्राफ पनि फिल्ममा प्रहरीको भूमिकामा देखिने भएका छन् ।
यो घोषणासँगै रोहित शेट्टीले टाइगरको फर्स्ट लुक सार्वजनिक गरेका छन् । कप युनिभर्सको फिल्म सिंघम अगेनमा अजय देवगन र करीना कपूर मुख्य भूमिकामा छन्, जसको साथमा फिल्मको छायांकन हैदराबादमा सुरु भएको छ ।
फिल्मका निर्देशक रोहित शेट्टीले हालै आफ्नो सामाजिक सञ्जालबाट टाइगर श्राफका तस्बिर सेयर गरेका छन् । यससँगै उनले लेखेका छन्- 'विशेष टास्क फोर्स अफिसर एसीपी सत्यलाई भेट्नुहोस् । सत्य जस्तै अमर। हाम्रो टोलीमा स्वागत छ, टाइगर ।'
सार्वजनिक भएको पहिलो तस्विरमा टाइगर श्राफले पुलिसको बेल्ट समातेको देखिन्छ । दोस्रो तस्विरमा उनी प्रहरीको वर्दी लगाएको र बन्दुक बोकेको देखिन्छ । तेस्रो तस्बिरमा उनी शर्टलेस प्रहरीको रुपमा निकै तीव्र देखिन्छन् ।
यसअघि रोहित शेट्टीले आफ्नो इन्स्टाग्राम अकाउन्टबाट दीपिका पादुकोणको फर्स्ट लुक सार्वजनिक गरेका थिए । पहिलो लुकमा दीपिका प्रहरीको वर्दीमा निकै खतरनाक देखिएकी थिइन् । एउटा तस्बिरमा हातमा बन्दुक लिएर मुस्कुराइरहेकी छिन् भने अर्को तस्विरमा उनी गुण्डालाई मारिरहेको देखिएकी छिन् । फिल्ममा दीपिका पुलिस अफिसर शक्ति शेट्टीको भूमिकामा देखिनेछिन् ।
दीपिकाको यो पात्रको परिचय दिंदै रोहितले लेखेका थिए, 'नारी सीताको रूप हो र दुर्गाको पनि... हाम्रो पुलिस ब्रह्माण्डको सबैभन्दा क्रूर र हिंस्रक अफिसरलाई भेट्नुहोस्... शक्ति शेट्टी... माई लेडी सिंघम... दीपिका पादुकोणबाट ।
‘सिंघम अगेन’को सुटिङ अहिले हैदराबादमा भइरहेको छ । रोहित पहिलो पटक यो फिल्मको क्लाइम्याक्स दृश्य सुटिङ गर्दैछन् । मिडिया रिपोर्टलाई विश्वास गर्ने हो भने, रोहितले फिल्मको क्लाइमेक्स सिक्वेन्समा ठूलो रकम खर्च गरेका छन् । उनले हैदराबादको रामोजी फिल्म सिटीमा २५ करोडको लागतमा यसको क्लाइम्याक्सको ठुलो शुटिङ गर्दैछन् ।
सिंघम फ्रेन्चाइजीको तेस्रो फिल्म सिंघम अगेनमा रोहित शेट्टीको कप ब्रह्माण्डका तीन नायक अजय, अक्षय र रणवीर सँगै देखिनेछन् । उनको कप ब्रह्माण्डमा सिंघम, सिंघम रिटर्न्स, सूर्यवंशी र सिम्बा फिल्महरू सामेल छन्। यस फ्रेन्चाइजको पहिलो फिल्म सिंघम थियो, जुन २०११ मा रिलिज भएको थियो । यसमा अजय देवगनले पुलिस अफिसर बाजीराव सिंघमको भूमिका निभाएका छन् । यसको सिक्वेल फिल्म सिंघम रिटर्न २०१४ मा रिलिज भएको थियो, जसको तेस्रो फिल्म २०२४ मा १५ अगस्टमा स्वतन्त्रता दिवसको अवसरमा रिलिज हुने बताइएको छ ।
यस पुलिस ब्रह्माण्डको दोस्रो फ्रेन्चाइज सिम्बा थियो, जसमा रणवीर सिंहले इन्स्पेक्टर संग्राम भालेरावको भूमिका निभाएका थिए । २०२१ मा रिलिज भएको फिल्म सूर्यवंशीमा अक्षय कुमारले डीसीपी वीर सूर्यवंशीको भूमिका निभाएका थिए । सिंघम अगेन अघि, रोहितको पुलिस ब्रह्माण्डका सबै तीन अधिकारीहरू सूर्यवंशीमा सँगै देखिएका थिए ।
अक्टोबर ७ मा करिना कपुरले सामाजिक सञ्जालमार्फत सिंघम अगेनको सुटिङ सुरु गर्ने घोषणा गरेकी थिइन् ।
