काठमाडौँ । भारतीय कप्तान रोहित शर्माले अफगानिस्तानविरुद्ध शतक पुरा गरेका छन् । अहिले जारी खेलमा रोहितले ६३ बलमा शतक पुरा गर्दै विश्वकपमा सबैभन्दा बढी शतक बनाउने खेलाडी बनेका छन् । रोहितको आइसीसी विश्वकपमा यो सातौं शतक हो ।
यसका साथै रोहितले सचिन तेन्दुलकरको विश्वकपमा ६ शतकको किर्तिमानलाई पछि पारेका छन् । साथै रोहित विश्वकपमा सबैभन्दा छिटो शतक बनाउने भारतको पहिलो खेलाडी बनेका छन् । उनले योप शतक ६३ बलमा बनाएका थिए ।
यस अघि कपिलदेवले ७२ बलमा विश्वकपमा शतक बनाएका थिए ।
त्यसैगरी रोहितको यो शतक एकदिवसीय अन्तर्राष्ट्रिय खेलमा ३१औं शतक हो ।
यस खेलमा अफगानिस्तानले दिएको २७३ रनको लक्ष्य पछाएको भारतले यो समाचार तयार गरुन्जेल १८ ओभरमा कुनै विकेट नगुमाएर १५४ रन बनाएको छ ।