- २०८१ मङ्सिर ८ शनिबार
काठमाडौँ । सन् २०५० सम्ममा विश्वमा मधुमेहका बिरामीको संख्या दोब्बर हुने नयाँ अनुसन्धानले देखाएको छ । अनुसन्धानका अनुसार सन् २०५० सम्म विश्वमा १३० करोड मधुमेहका बिरामी हुनेछन् । यो संख्या २०२१ मा ५२.९० करोड थियो ।
‘द ल्यान्सेट’ मा प्रकाशित अनुसन्धानले आगामी ३० वर्षमा कुनै पनि देशमा मधुमेहको दर कम नहुने देखाएको छ । योसँगै संयुक्त राष्ट्र संघले सन् २०५० सम्ममा मधुमेहका बिरामीको संख्या ९८० करोड पुग्ने अनुमान गरेको छ । यसको मतलब हरेक ७ जनामा एक जनालाई मधुमेह हुन्छ ।
अनुसन्धानमा कोभिड–१९ महामारीले विश्वभर मधुमेहमा असमानता बढाएको छ । जातीय अल्पसंख्यक समूहका मानिसहरूलाई विकसित देशहरूको तुलनामा गम्भीर संक्रमण हुने सम्भावना ५० प्रतिशत बढी हुन्छ र मधुमेह नभएका मानिसहरूको तुलनामा मृत्यु हुने सम्भावना दोब्बर हुन्छ ।
विज्ञहरूका अनुसार कोरोना भाइरसले शरीरमा ग्लुकोज खपत गर्ने तन्तु र अंगहरूको कार्यलाई असर गरेको छ ।
अनुसन्धानका अनुसार मोटोपनका कारण मधुमेहका बिरामी बढ्दै गएका छन् । बिरामीको संख्या बढ्दै गएका कारण विश्वभर रोग र मृत्युदर पनि बढिरहेको छ ।
मधुमेहका बिरामीको रगतमा चिनीको मात्रा बढी हुन्छ । यसका बिरामी चाँडै थकित हुन्छन् । यसको कारण शरीरमा उर्जाको कमी हुनु हो । मधुमेहका बिरामीलाई बारम्बार पिसाब लाग्ने गर्छ । यो किनभने जब तपाईंको रगतमा चिनीको मात्रा उच्च हुन्छ, तब मृगौलाले रगतबाट थप चिनी फिल्टर गर्ने प्रयास गर्छ । धेरै पिसाबको कारण, शरीरलाई अधिक पानी चाहिन्छ । जसका कारण बिरामीको तिर्खा बढने हुन्छ ।
