- २०८१ बैशाख १५ शनिबार
काठमाडौं । एएफसी यू–२० महिला एसियन कप छनोटमा नेपालले खराब शुरुवात गरेको छ ।
नेपाल म्यान्मारसँग ५-० गोल अन्तरले पराजित हुदै एसियन कप छनोटमा खराब शुरुवात गरेको हो ।
म्यानमारले पहिलो हाफमा २ र दोस्रो हाफमा ३ गोल गरेको थियो । म्यान्मारको जितमा यिन लून एईनले ह्याट्रिक गरेकी थिइन् भने जिन मो पाए र यून वाडी हलाइंगले एक एक गोल गरेका थिए ।
प्यालेस्टाइनमा भएको पहिलो चरणमा घरेलु टोली प्यालेस्टाइन र उत्तरी मरियाना आइल्यान्डलाई समान ६–० ले पराजित गर्दै दोस्रो चरणमा प्रवेश गरेको नेपालले आज म्यान्मारसँग दोस्रो चरणको पहिलो खेल खेलेको हो ।
छनोटको समूह ‘बी’ मा नेपालमा नेपाल र म्यानम्मारसँगै चीन र चाइनिज ताइपेई छन् । जससँग नेपालले आगामी जुन ८ मा चीनसँग तथा जुन १० मा चाइनिज ताइपेइसँग प्रतिस्पर्धा गर्नेछ ।
जसबाट उत्कृष्ट टोलीले उज्वेकिस्तानमा मार्च ३ देखि १६ सम्म हुने यू–२० महिला एसियन कप खेल्नेछ ।
