काठमाडौँ । बंगलादेशको ढाकामा जारी साफ यू–१७ महिला च्याम्पियनसिपमा नेपालले भुटानलाई पराजित गरेको छ ।
बुधबार सम्पन्न खेलमा नेपालले भुटानलाई ५-० गोल अन्तरले पराजित गरेको हो ।
नेपालको जितमा वर्षा ओली र सेनु परियारले २-२ गोल गरेका थिए भने दिपा रोकायाले एक गोल गरेकी थिइन् ।
यस अघि पहिलो खेलमा नेपाल भारतसँग ४-१ गोल अन्तरले पराजित भएको थियो ।
यू–१७ च्याम्पियनसिपमा नेपाल, बंगलादेश, भुटान, भारत र रुसको सहभागिता रहेको छ ।
नेपालले अब अर्को खेल मार्च २६ मा रसिया र मार्च २८ मा आयोजक बंगलादेशसँग खेल्नेछ । सिंगल राउण्ड रोबिनपछि शीर्षस्थानमा रहने टोली च्याम्पियन बन्नेछ ।