- २०८१ बैशाख १७ सोमबार
काठमाडौँ । युद्धविरामको घोषणा भए पनि मारिउपोलबाट मानिसलाई निकाल्ने प्रक्रिया स्थगित भएको छ । मारिउपोल नगर परिषदले अहिले नागरिकलाई उद्धार गर्ने काम रोकिएको जानकारी दिएको छ ।
युक्रेनी पक्षले रुसी पक्षले अस्थायी युद्धविरामको पालना नगरेको बताएको छ ।
उनले सर्वसाधारण नागरिक तितरबितर भएर लुक्ने ठाउँ खोज्नुपर्ने र थप जानकारी छिट्टै सार्वजनिक गरिने बताए ।
यसअघि मारियुपोलका उपमेयरले रुसले युद्धविरामको घोषणा गरेपछि पनि आक्रमण जारी रहेको बताएका थिए ।
मारिउपोलमा अझै पनि विस्फोटको आवाज सुनिएको छ ।
मारियुपोलका डेपुटी मेयर सेरेई ओर्लोफले बीबीसीसँग कुराकानी गर्दै भने- 'रुसीहरूले हामीमाथि बमबारी गरिरहेका छन् र गोली हानेका छन् । मारिउपोलमा युद्धविराम छैन र निकासी मार्गमा युद्धविराम छैन । हाम्रा नागरिकहरू छोड्न तयार छन् तर बम विस्फोटको बीचमा जान सक्दैनन् ।'
रुस र युक्रेनबीच जारी युद्धको दशौं दिन रुसले युक्रेनका दुई सहरमा युद्धविरामको घोषणा गरेको छ । यो युद्धविराम मारिउपोल र भोलनोभाखामा घोषणा गरिएको थियो ।
रुसी रक्षा मन्त्रालयले शनिबार बिहान ७ बजेदेखि मस्को समय बिहान १० बजे र भारतीय समयअनुसार दिउँसो १२:३० बजेदेखि मारिउपोल र भोल्नोभाखाका लागि मानवीय करिडोर खोलिने जनाएको थियो ।
यद्यपि, मारिउपोलको नगर परिषदले अहिले मानवीय करिडोर समाप्त हुने जापोरिझिया क्षेत्रमा अझै लडाइँ जारी रहेको बताएको छ ।
