- २०८१ जेठ १ मंगलबार
काठमाडौँ । कारागारमा रहेका रुसी विपक्षी नेता एलेक्सी नभाल्नीले पुटिन रुस नभएको बताउदै युक्रेनमा गरेको आक्रमणको विरोधमा सडकमा आउन अपिल गरेका छन् ।
नभाल्नीको ट्वीटर एकाउन्टमा गरिएको अपिलमा सबै रसियनलाई सडकमा आएर शान्तिका लागि लड्न आग्रह गरेका छन् ।
उनले आफुले रुस शान्तिप्रिय देश बनोस् भन्ने चाहेको भएपनि त्यस्तो हुन नसकेको बताए ।
उनले ट्वीटर एकाउन्टमा भनेका छन्–'कम्तिमा डराउने र चुप लाग्ने जनताको देश नबनौं । युक्रेनविरुद्ध आक्रामक युद्धको विचार नगर्ने बहाना बनाउने कायरहरूको देश नबनौं ।'
युक्रेनीहरूलाई मार्ने र आत्मरक्षाको लागि युक्रेनीहरुले रसियनलाई मार्ने भन्ने कुरामा चुप लागेर बस्न नसक्ने नभाल्नीले बताए ।
उनले भने- 'यो २१औँ शताब्दीको तेस्रो दशक हो र जनताले ट्याङ्की जलाएको र घरमा बमबारी गरेको समाचारमा देखिरहेका छौं । अब हामी हाम्रा टिभीहरूमा परमाणु युद्धको वास्तविक खतरा देखिरहेका छौं, म आफैं सोभियत संघबाट हुँ । म जन्मिएँ र बाल्यकालदेखि नै एउटा वाक्य सुन्दै आएको छु– शान्तिका लागि युद्ध । सबैलाई सडकमा आउन र शान्तिका लागि लड्न आग्रह गर्दछु ।
नभाल्नीले भने- 'अब हामी धेरै पर्खन सक्दैनौं । जहाँ तपाईं अहिले रूसमा हुनुहुन्छ, बेलारुसमा, संसारका अन्य देशहरूमा । हप्ताको हरेक दिन, सप्ताहन्त र बिदाहरूमा, सहरका मुख्य चोकहरूमा दुई बजे भेला हुनुहोस् र युद्धको विरुद्ध आवाज उठाउनुहोस् ।'
