काठमाडौं । प्रत्यक्ष तर्फको निर्वाचन सकिएका निर्वाचन क्षेत्रहरुमा समानुपातिकतर्फको मतगणना भइरहेको छ ।
हाल भइरहेको मतणनाको प्रारम्भिक नतिजा अनुसार एमाले र काँग्रेसबीच प्रतिष्पर्धा देखिएको छ भने माओवादी तेस्रो स्थानमा रहेको छ । पछिल्लो मत परिणाम अनुसार एमाले अगाडी रहेको छ । एमालेले २५ लाख र काँग्रेसले २४ लाख मत कटाएका छन् । त्यस्तै फोरमले पनि ३ लाख मत कटाएको छ । राजपा पनि थ्रेस होलको नजिक पुगेको छ भने राप्रपा र विवेकशील थ्रेस होल्ड कटाउन संघर्षरत देखिएका छन् ।
पछिल्लो मत परिणाम अनुसार माओवादी केन्द्र तेस्रो स्थानमा रहेको छ । माओवादी केन्द्रले पनि १० लाख मत कटाएको छ । त्यस्तै फोरम चौथो स्थानमा रहेको छ भने राजापा पाचौ, राप्रपा छैठौ स्थानमा रहेको छ । त्यस्तै विवेकशील सातौ र नयाँ शक्ति आठौ स्थानमा रहेको छ । त्यस्तै राप्रपा-प्रजातान्त्रिक नवौ र जनमोर्चा दशौ स्थानमा रहेका छन् ।
विहिबार बिहान ६ बजेसम्मको समानुपातिकतर्फ खसेको मत यस्तो छ-
१. नेकपा एमाले- २५४०७६४
२. नेपाली कांग्रेस- २४५४३४९
३. माओवादी केन्द्र – १०३४३०
४. फोरम – ३४४१३३
५. राजपा – २८४१३२
६. राप्रपा – १६७३८७
७. विवेकशील –१६६९०७
८. नयाँ शक्ति – ६६८८१
९. राप्रपा प्रजातान्त्रिक – ६१७८१
१०. जनमोर्चा – ४०४४१