काठमाडौं / यो साता नेपाल स्टक एक्सचेन्जमा एक सय ६९ कम्पनीहरुको कारोबार भएको छ । जस अनुसार १८ हजार पाँच सय ५२ कारोबारबाट एक अर्ब ७९ करोड ५५ लाख ८७ हजार रुपैयाँ बराबरका ६७ लाख १५ हजार चार सय ९० कित्ता सेयरहरु खरिद बिक्री भएका छन् ।
कारोबार रकम गत साताको भन्दा ५० दशमलव ३४ प्रतिशत कम हो । गत साता एक सय ७७ कम्पनीहरुको कारोबार भएको थियो । जस अनुसार ३५ हजार आठ सय ४४ कारोबारबाट तिन अर्ब ६१ करोड ५७ लाख १७ हजार रुपैयाँ बराबरका ६८ लाख चार हजार एक सय ६० कित्ता सेयरहरु खरिद बिक्री भएका थिए ।
साताका प्रमुुख सेयर सूचकांकहरु
साताको नेप्से परिसूचक पहिलो दिनको तुलनामा आठ दशमलव १३ अंकले घटेर अन्तिम दिन १५ सय ३९ दशमलव ८१ अंकमा पुगेको छ । ‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा एक दशमलव ५३ अंकले घटेर तीन सय २३ दशमलव ११ अंकमा आईपुगेको छ ।
यो साता कारोबार रकम २८ करोड ९० लाख ९० हजार रुपैयाँको आधारमा नेपाल लाइफ इन्स्योरेन्स कम्पनी लिमिटेड सस्थापक अग्रस्थानमा रहेको छ । कारोबार भएको सेयर संख्या दुई लाख ६२ हजार कित्ताको आधारमा नेपाल लाइफ इन्स्योरेन्स कम्पनी लिमिटेड सस्थापक अग्रस्थानमा रहेको छ । त्यसैगरी कारोबार संख्या नौ सय ११ वटाको आधारमा सानिमा बैंक लिमिटेड अग्रस्थानमा रहेको छ ।
यो साता स्टकको कारोबार कक्ष नियमित कारोबारका लागि तिन दिन खुला रह्यो । यो साता पनि ऋणपत्रतर्फ संस्थागत तथा सरकारी ऋणपत्रहरुको कुनै पनि कारोबार भएन । सुचीकरण तर्फ भने यो साता दुुई वटा कम्पनीको बोनस तथा साधारण सेयर सुचीकरण भएको छ ।
कारोबार रकमका आधारमा साताका उत्कृष्ट पाँच कम्पनीहरु
क्र.सं. | कम्पनीको नाम | कारोबार रकम (रु. १० लाखमा) |
१. | नेपाल लाइफ इन्स्योरेन्स कम्पनी लिमिटेड | २८९.०९ |
२. | नेपाल लाइफ इन्स्योरेन्स कम्पनी लिमिटेड | ८१.३९ |
३. | सानिमा बैंक लिमिटेड | ७०.७२ |
४. | एभरेष्ट बैंक लिमिटेड | ७०.१३ |
५. | नेपाल इन्भेष्टमेन्ट बैंक लिमिटेड | ५५.३८ |
यो साता सूचीकरण भएका कम्पनीका सेयरहरु
क्र.सं. | कम्पनीको नाम | सूचीकृत धितोपत्रको किसिम | सूचीकृत धितोपत्र संख्या |
१. | लाइफ इन्स्योरेन्स कर्पोरेसन नेपाल लिमिटेड | बोनस | २६५२२४३.७५ कित्ता |
२. | पोखरा फाइनान्स लिमिटेड | साधारण | ९८३६८२ कित्ता |