जनयुद्धको वर्षगाँठमा माओवादीपीडितको धर्ना 

खरीबोट

पेरिसडाँडामा २३ किलोको केक काटेर जनयुद्ध दिवस मनाउँदै माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल प्रचण्ड । तस्बिर : प्रचण्डको वेबपृष्ठ

ad

काठमाडौँ । माओवादी आन्दोलनसँग सम्बद्ध दल, नेता र कार्यकर्ताहरुले पेरिसडाँडामा जनयुद्ध दिवसको सम्झना गरिरहँदा नेपाल माओवादी पीडित संघले भने तत्कालीन नेकपा (माओवादी)ले पटकपटक सत्तामा पुगे पनि पीडितप्रति उत्तरदायी नभएको आरोप लगाएको छ । 

माओवादीले सशस्त्र युद्ध शुरु गरेको आजको दिनलाई शोक दिवसका रुपमा मनाउँदै संघले आन्दोलनको नाममा जस्तोसुकै अपराधको छुट पाएर निर्दोष व्यक्तिलाई तत्कालीन राज्यपक्षको निशाना पर्न बाध्य पारिनु निन्दनीय भएको जनाएको छ । 

संघका अध्यक्ष कल्याण बुढाथोकीले कानुनलाई हातमा लिई पीडक पुरस्कृत र पीडित दण्डित हुने अवस्था आउनु आश्चर्यजनक भएको बताए। 

संघले द्वन्द्वकालीन समयमा भएका घटना दुःखदायी भएको स्मरण गर्दै जिल्ला प्रशासन कार्यालय अगाडि धर्ना दिएको थियो । 

‘समयावधि थपले मात्र पीडितले न्याय पाउन नसक्ने’

यसैबीच, एम्नेस्टी इन्टरनेशनल दक्षिण एसिया, अन्तर्राष्ट्रिय न्यायिक आयोग (आइसिजे) र मानवअधिकार पर्यवेक्षक नामक संस्थाले द्वन्द्वकालीन दुई आयोगको समयावधि थपले मात्र पीडितले न्याय पाउन नसक्ने जनाएका छन् । 

सो संस्थाहरुले संयुक्तरुपमा आज जारी गरेको विज्ञप्तिमा सत्य निरुपण तथा मेलमिलाप आयोग र बेपत्ता पारिएका व्यक्तिहरूको छानविन आयोगको समयावधि थपले मात्र पीडितले न्याय पाउन नसक्ने उल्लेख छ । 

विज्ञप्तिमा दुवै आयोगको ऐन संशोधन नगरी समयावधि थपले मात्र संक्रमणकालीन न्यायको अन्त्य हुन नसक्ने र पीडितलाई न्याय दिलाउने विषयमा सर्वोच्च अदालत र संयुक्त राष्ट्रसंघबाट भएका आदेश पर्याप्त नभएको उल्लेख छ । 

सरकारले दुवै आयोगका ऐन संशोधनबिना नै समयावधि थपेको हुँदा पीडितले न्याय पाउनेमा आशंका रहेको र आयोग गठन भएको लामो समय भए पनि पीडितले न्यायको अनुभूति गर्न नसकेको विज्ञप्तिमा उल्लेख छ । 

सरकारले अध्यायदेशमार्फत दुवै आयोगले चाहेको अवस्थामा एक वर्ष समयावधि थप गर्न सकिने गरी ऐन संशोधन गत माघ ५ गते गरेको थियो । 

सम्बन्धित समाचार

प्रधानमन्त्री ओली र प्रचण्डको म्याराथुन छलफल : ५०-५० प्रतिशत र जनयुद्ध एमालेले नमान्ने   

काठमाडौँ ।  पार्टी एकताकाबारे मिल्न बाँकी विषयमा नेकपा एमाले अध्यक्ष एवं प्रधानमन्त्री केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहाल प्रचण्बीच शुक्रबार पनि गम्भीर छलफल भएको छ ।  गत

बाँदरमुढे घटना जनयुद्धमा भएको सबैभन्दा ठूलो दुर्घटना र गल्ती :  प्रचण्ड 

चितवन । माओवादी केन्द्रका अध्यक्ष पुष्पकमल दाहाल प्रचण्डले चितवनको बाँदरमुढे घटना जनयुद्धमा भएको सबैभन्दा ठूलो दुर्घटना र गल्ती भएको दोहोर्याएका छन् ।  बाँदरमुढे सहयोग समितिले आज माडीमा आयोजना गरेको छलफल कार्यक्रममा

चुनाव चिह्न र ‘जनयुद्ध’ शब्दमा कुनै विवाद छैन : सुवास नेम्वाङ

बनियानी, झापा ।  नेकपा (एमाले) संसदीय दलका उपनेता सुवास नेम्वाङले सानातिना विवाद र समस्याले पार्टी एकता कुनै पनि हालतमा अवरुद्ध नहुने बताएका छन् ।  प्रेस चौतारी झापाले बुधबार बिर्तामोडमा आयोजना गरेको

जनयुद्धमा गोलीको छर्रा लागेकी अनुपाको १५ वर्षपछि खुशी फर्कियो

सुुरुङ्गा, झापा ।  पाँचथरको हिलिहाङ गाउँपालिका–७ निवासी ३१ वर्षीया अनुपा राईको १५ वर्षपछि खुशी फर्किएको छ ।  ओखलढुंगाको कुइभीर माविमा कक्षा–९ मा अध्ययनरत रहेकै बेला जनयुद्धमा होमिनुभएकी अनुपा ०५९ साल वैशाख २४ गते

Loading...

Loading...