पोखरा । डिफेन्डिङ च्याम्पियन मनाङ मर्स्याङ्दी क्लब आहा रारा गोल्ड कपबाट बाहिरिएको छ ।
मंगलबार भएको क्वाटरफाइनल खेलमा मनाङलाई ३-१ गोल अन्तरले हराउँदै नेपाल पुलिस क्लब रारा गोल्ड कपको सेमीफाइनलमा प्रवेश गरेको छ ।
पहिलो हाफ बराबरीमा सकिएको खेलमा पुलिसले खेलको ५३औं मिनेटमा निरकुमार राईको गोलको मद्धतले अग्रता लिएको थियो । त्यस्तै ५६औं मिनेटमा निरकुमारकै पासमा दिनेश राजबंशीले गोल गर्दै पुलिसको अग्रता दोब्बर पारेका थिए । खेलको ७१औं मिनेटमा ३–० को अग्रता लिन सफल भएको पुलिसका लागि तेस्रो गोल सुमन लामाले गरेका थिए ।
मनाङका लागि भने एक मात्र गोल खेलको ८०औं मिनेटमा विशाल राईले फर्काएका थिए ।
खेलको म्यान अफ दि म्याच पुलिसका सुमन लामा भए।
बुधबारको पहिलो सेमिफाइनल खेल उत्तर बरिन्धरा क्लब बंगलादेश र रुस्लान थ्री स्टार क्लबबीच हुनेछ ।