• २०८३ मङ्सिर ४ शुक्रबार

भिल्लारियलमाथि जितपछि युनाइटेड च्याम्पियन्स लिगको अन्तिम १६ मा

भिल्लारियलमाथि जितपछि युनाइटेड च्याम्पियन्स लिगको अन्तिम १६ मा

काठमाडौँ । म्यानचेस्टर युनाइटेड च्याम्पियन्स लिगको अन्तिम १६ मा प्रवेश गरेको छ ।

गएराती सम्पन्न खेलमा स्पेनिस क्लब भिल्लारियललाई २-० गोल अन्तरले पराजित गर्दै युनाइटेडले अन्तिम १६ मा आफ्नो स्थान सुरक्षित गरेको हो ।

युनाइटेडको जितमा क्रिस्टियानो रोनाल्डो र जोर्डन सान्चोले एक एक गोल गरेका थिए ।

पहिलो हाफ बिना कुनै गोल बराबरीमा सकिएको खेलमा खेलको ७८औं मिनेट मा रोनाल्डोले युनाइटेडका लागि पहिलो गोल गरेका थिए ।

त्यसपछि खेलको ९०औं मिनेटमा सान्चोले गोल गर्दै युनाइटेडको अग्रता दोब्बर पारेका थिए ।

समुह एफ मा रहेको युनाइटेड यो जितपछि ५ खेलमा १० अंक हासिल गर्दै च्याम्पियन्स लिगको अन्तिम १६ मा आफ्नो स्थान सुरक्षित गरेको छ ।

त्यस्तै भिल्लारियलको भने ५ खेलमा ७ अंक छ र समुहमा दोस्रो स्थानमा रहेको छ ।

यसै समुहको गएराती सम्पन्न खेलमा एटलान्टा र योंग ब्वायेज ३-३ गोलको बराबरी खेलेर अंक बाडेका छन् ।

यो बराबरीपछि एटलान्टाको ५ खेलमा ६ अंक भएको छ र समुहमा तेस्रो स्थानमा छ भने योंग ब्वायेजको ५ खेलमा ४ अंक रहेको छ ।    

सम्बन्धित खबर

पढ्नै पर्ने

लोकप्रिय

भर्खरै