काठमाडौँ । इङलिश प्रिमियर लिग अन्तर्गत लिभरपुलले लिड्स युनाइटेडलाई पराजित गरेको छ ।
आइतबार राती सम्पन्न खेलमा लिभरपुलले लिड्सलाई ३-० गोल अन्तरले पराजित गरेको हो ।
लिभरपुलको जितमा मोहमद सलाह, फाबिन्हो र साडियो मानेले एक एक गोल गरेका थिए ।
यस खेलमा पास्कल स्ट्रूजकले खेलको ६०औ मिनेटमा रातो कार्ड पाएपछि लिड्स युनाइटेड १० खेलाडीमा सिमित भएको थियो ।
यो सँगै लिभरपुलले यस सिजनमा खेलेका चार खेलमा तीन जित हासिल गरेको छ भने एक खेल बराबरी खेलेको छ । लिभरपुलको ४ खेलमा १० अंक भएको छ र लिगमा तेस्रो स्थानमा रहेको छ ।
त्यस्तै लिड्स युनाइटेडको ४ खेलमा केबल २ अंक रहेको छ ।









