काठमाडौँ । एन आई सी एशिया बैंक र सेन्टबी रेमिटबीच सम्झौता भएको छ । उक्त सम्झौता पश्चात अब दक्षिण कोरियाबाट नेपालका जुनसुकै बैंक तथा वित्तीय संस्थाहरूको खातामा रकम सजिलै र तुरुन्तै पठाउन सकिने भएको छ ।
दक्षिण कोरियामा रहेका नेपालीहरूले अब बिना झन्झट मोबाइल एवं कम्प्युटरको प्रयोगबाटै यस बैंक तथा नेपालका अन्य कुनै बैंक खातामा अनलाइनमार्फत रकम जम्मा गर्न सक्नेछ ।
उक्त सुविधा बाहेक कोरियाबाट देशभर रहेको यस बैंकका १० हजार भन्दा बढी रेमिट्यान्स एजेन्टहरूमार्फत आफुले इच्छाएको व्यक्तिलाई सहज रुपमा रकम पठाउन सकिने समेत व्यवस्था रहेको बैंकले जनाएको छ ।
कोरियामा बसोबास गर्दै आइरहेका नेपालीहरूले सेन्टबी रेमिटको वेबसाइट sentbe.com तथा मोबाइल एपमार्फत कुनै पनि खाता तथा आफन्तका नाममा रकम पठाउन सक्नेछ ।
यस बैंकले ३३३ शाखा कार्यालयहरू, ४७१ एटिएम, ९६ वटा एक्स्टेन्सन काउण्टर एवं ७४ वटा शाखा रहित बैंकिङ्गमार्फत् बैंकिङ्ग सेवा प्रदान गर्दै आइरहेको छ ।