- २०८१ जेठ ६ आइतबार
काठमाडौँ । काठमाडौं महानगरपालिकाका मेयर विद्यासुन्दर शाक्य कोरोना संक्रमण मुक्त भएका छन् ।
मेयर शाक्यको आइतबार कोरोना रिपोर्ट नेगेटिभ आएको उनको सचिवालयले जनाएको छ ।
उनले शनिबार स्वाब दिएकोमा आइतबार नतिजा निगेटिभ आएको हो । शाक्यले केही दिन निवासमै आरामपछि नियमित काममा फर्किनु हुने बताइएको छ ।
मेयर शाक्यलाई १५ भदौमा कोरोना संक्रमण पुष्टि भएको थियो । शाक्य संक्रमित बनेसँगै केही दिन घरमै आइसोलेसनमा बसेर पत्नीसहित पाँचतारे होटल सोल्टी क्राउन प्लाजाको आइसोलेसन सेन्टरमा सरेका थिए ।
सोल्टीको आइसोलेसनमा बसेको भन्दै मेयर शाक्यको आलोचना भएको थियो ।
