- २०८१ बैशाख २१ शुक्रबार
काठमाडौँ । अर्थमन्त्री डा. युवराज खतिवडाले राजीनामा दिने घोषणा गरेका छन् ।
शुक्रबार बसेको मन्त्रिपरिषदको बैठकमा डा. खतिवडाले आजै राजीनामा दिने बताएका हुन् ।
सरकारले राष्ट्रिय सभामा उनलाई मनोनित नगर्ने भएपछि अर्थमन्त्री खतिवडाको पद धरापमा परेको हो ।
डा. खतिवडा अहिले सांसद नभए पनि ६ महिना मन्त्री बन्न पाउने संवैधानिक व्यवस्थाअनुसार मन्त्री पदमा रहेका थिए ।
राष्ट्रिय सभा सदस्यको पदावधि सकिइसकेका खतिवडाले गत फागुन २१ मा शपथ लिएका थिए । खतिवडाको संसद सदस्य पद फागुन २० गते सकिएको थियो ।
बैठकमा प्रधानमन्त्री केपी शर्मा ओलीले साढे २ बर्षको अर्थमन्त्रीको कार्यकालका लागि खतिवडालाई धन्यवाद दिएका थिए ।
