- २०८३ कार्तिक १९ बिहीबार
काठमाडौँ । सामान्यतया इनर्जी ड्रिङ्क किन्दा केही समयको ऊर्जा प्राप्त हुन्छ भन्ने अपेक्षा गरिन्छ। तर म्याक्स टाइगर इनर्जी ड्रिङ्कको ‘दसैँ धमाका २०२६’ अभियानले उपभोक्तालाई यस्तै सामान्य खरिदबाट मोटरसाइकल र स्कुटरजस्ता आकर्षक पुरस्कार जित्ने अवसर प्रदान गरिरहेको छ ।
यस अभियानअन्तर्गत काठमाडौँ र विराटनगरमा आयोजित विशेष फ्यान जोन कार्यक्रममार्फत चार जना विजेतालाई मोटरसाइकल तथा स्कुटर हस्तान्तरण गरिएको छ। काठमाडौँ र विराटनगरमा आयोजित एनपीएलको प्रत्यक्ष प्रसारणसहितको विशेष कार्यक्रममा विजेताहरूलाई पुरस्कार प्रदान गरिएको कम्पनीले जनाएको छ ।
काठमाडौँको सिफलस्थित नेपाल प्रिमियर लिगको प्रत्यक्ष प्रसारण स्थलमा आयोजित कार्यक्रममा सुमन कर्माचार्य र विनोद ढुंगेलले मोटरसाइकल प्राप्त गरेका छन्। म्याक्स टाइगरको क्यानको बारकोडमार्फत आकर्षक पुरस्कार जित्ने अवसर पाएका उनीहरूले अभियानअन्तर्गत जितेको मोटरसाइकल प्राप्त गरेका हुन्। सामान्य रूपमा खरिद गरिने इनर्जी ड्रिङ्कबाट मोटरसाइकल जित्ने अवसर पाउँदा दुवै विजेता उत्साहित भएका छन् ।
त्यस्तै, विराटनगरको पुरानो गुद्रीमा आयोजित विशेष फ्यान जोन कार्यक्रममा पनि दुई विजेतालाई पुरस्कार हस्तान्तरण गरिएको छ। धरानका अनोजकुमार अधिकारीले स्कुटर प्राप्त गरेका छन् भने विराटनगरका विनोद पोखरेलले मोटरसाइकल जितेका छन्। यससँगै काठमाडौँ र विराटनगरमा गरी तीनवटा मोटरसाइकल र एउटा स्कुटर विजेतालाई हस्तान्तरण गरिएको छ ।
मोटरसाइकल प्राप्त गरेका सुमन कर्माचार्यले सामान्य रूपमा खरिद गरेको इनर्जी ड्रिङ्कबाट यति ठूलो पुरस्कार पाउने कल्पनासमेत नगरेको बताएका छन्। मोटरसाइकल जितेको खबरले आफूलाई निकै उत्साहित बनाएको बताउँदै उनले पुरस्कार प्राप्त गर्दाको क्षण जीवनकै विशेष अनुभव बनेको प्रतिक्रिया दिएका छन् । त्यसैगरी, अर्का विजेता विनोद ढुंगेलले म्याक्स टाइगरको अभियान आफ्ना लागि अप्रत्याशित खुसीको अवसर बनेको बताएका छन्। सामान्य रूपमा इनर्जी ड्रिङ्क खरिद गर्दा मोटरसाइकल जित्ने अवसर पाउनु आफैँमा अनौठो अनुभव भएको उनको भनाइ छ ।
स्कुटर विजेता अनोजकुमार अधिकारीले आफूले जितेको पुरस्कार प्राप्त गर्न पाउँदा खुसी लागेको बताएका छन्। त्यस्तै, मोटरसाइकल विजेता विनोद पोखरेलले मोटरसाइकल जितेको खबरले आफूलाई उत्साहित बनाएको र पुरस्कार हस्तान्तरणपछि खुसी थप बढेको बताएका छन् ।
कम्पनीका अनुसार ‘दसैँ धमाका २०२६’ अभियानअन्तर्गत हालसम्म १० जनाले मोटरसाइकल र आठ जनाले स्कुटर जितिसकेका छन्। तर पुरस्कार जित्ने अवसर अझै बाँकी छ। अभियानमा थप आठवटा मोटरसाइकल, १० वटा स्कुटर र बम्पर पुरस्कारका रूपमा एउटा प्रोटोन कार जित्ने अवसर रहेको कम्पनीले जनाएको छ ।
सामान्य रूपमा खरिद गरिने इनर्जी ड्रिङ्कको क्यानको बारकोडलाई आकर्षक पुरस्कार जित्ने अवसरसँग जोडेर म्याक्स टाइगरले देशका विभिन्न सहरका उपभोक्तालाई अभियानमा सहभागी गराउँदै आएको छ। नेपाल प्रिमियर लिगको प्रत्यक्ष प्रसारण भइरहेको विशेष फ्यान जोनमार्फत विजेतालाई पुरस्कार हस्तान्तरण गर्ने क्रम सुरु भएको छ। कम्पनीले आगामी दिनमा पनि यस्ता कार्यक्रमलाई निरन्तरता दिने जनाएको छ।
