- २०८३ जेठ २१ बिहीबार
काठमाडौँ । नेपालले मलेसियामा आजदेखि शुरु भएको एसीसी महिला प्रिमियर कपमा विजयी शुरुवात गरेको छ ।
नेपालले पहिलो खेलमा आज कतारलाई ८ विकेटले पराजित गरेको हो । कतारले दिएको ७७ रनको लक्ष्य पछाएको नेपालले १०.५ ओभरमा २ विकेट गुमाएर लक्ष्य पुरा गरेको थियो । नेपालको जितमा विन्दु रावलले ३३ र पुजा महतोले अविजित २८ रन बनाएका थिए ।
यस अघि पहिला ब्याटिंग गर्दा कतारले १६.५ ओभरमा अल आउट हुदै ७६ रन मात्र बनाएको थियो । कतारका लागि गेट्रुडो चन्दिरुले २५ रन बनाएकी थिइन् । त्यस्तै नेपाली बलर रुबिना क्षेत्रीले ३ विकेट लिएकी थिइन् ।
नेपालले यस प्रतियोगितामा अब अर्को खेल जुन ४ मा भुटानसँग, र जुन ६ मा हङकङसँग खेल्ने तालिका रहेको छ ।
१८ देशले भाग लिएको यस प्रतियोगिताबाट शिर्ष चार देश महिला एशिया कप क्रिकेटमा छनौट हुने छन् । एसीसी प्रिमियर कपमा समुह ए मा थाइल्याण्ड, म्यान्मार, जापान, बहराइन र मंगोलिया रहेका छन् । त्यस्तै समुह बी मा युएई, ओमान, चीन, फिलिपिन्स र साउदी अरेबिया छन् भने समुह सी मा इन्डोनेसिया, मलेसिया, कुवेत र सिंगापुर रहेका छन् । त्यस्तै समुह डी मा नेपाल, हङकङ चाइना, भुटान र कतार रहेका छन् ।
