- २०८३ बैशाख ६ आइतबार
काठमाडौँ । अमेरिका र इरानबीच सम्भावित वार्ताअघि पाकिस्तानले सुरक्षा व्यवस्था कडा बनाएको छ ।
इस्लामाबाद तथा आसपासका क्षेत्रमा ठूलो संख्यामा प्रहरी र सुरक्षा निकाय परिचालन गरिएको जनाइएको छ । संवेदनशील स्थान, विशेषगरी विमानस्थल र सैन्य क्षेत्रमा निगरानी थप कडा बनाइएको छ ।
यससँगै ड्रोन उडानलगायत विभिन्न गतिविधिमा प्रतिबन्ध लगाइएको छ । वार्ताको मिति अझै तय नभए पनि पाकिस्तानले सम्भावित अवस्थालाई ध्यानमा राख्दै तयारी तीव्र पारेको जनाएको छ ।
अमेरिका र इरानबीच सोमबार वार्ता हुने बताइएको भएपनि दुवै पक्षले यसको आधिकारिक पुष्टि अहिलेसम्म गरेका छैनन् ।
