- २०८२ कार्तिक १२ बुधबार
काठमाडौँ । नेपाली राष्ट्रिय महिला फुटबल टिम र इरानबीचको मैत्रीपूर्ण खेलको पहिलो हाफ बराबरीमा सकिएको छ ।
भारतको शिलोङस्थित जवाहरलाल नेहरु रंगशालामा सम्पन्न पहिलो हाफ गोलरहित बराबरीमा सकिएको हो ।
फिफाको वरियतामा नेपाल ८९औं स्थानमा छ भने इरान ७०औं स्थानमा रहेको छ । नेपालले यसअघि इरानसँग एक खेल मात्र खेलेको छ । सन् २०१९ मा भारतमा नै आयोजना भएको हिरो महिला गोल्डकपमा नेपाल इरानलाई ३-० ले पराजित गरेको थियो ।
