- २०८३ जेठ ९ शनिबार
सुर्खेत । राउटे समुदायका मुखिया सूर्यनारायण शाहीको मृत्यु भएको छ । सोमबार राति साढे ९ बजेतिर उनको मृत्यु भएको हो ।
अत्यधिक मदिरा सेवनका कारण उनको मृत्यु भएको समुदायसँग काम गर्दै आएको सोसेक नेपालका जोडी शिक्षक लालबहादुर खत्रीले जानकारी दिएका छन् ।
सूर्यनारायण २०७२ जेठमा मुखिया बनेका थिए । राउटे समुदाय अहिले दुई ठाउँमा छुट्टिएर बस्दै आएको छ । उनी एउटा समूहको नेतृत्व गर्दै बराहताल गाउयँपालिका–८ सुर्खेतको सोतखोलामा बस्दै आएका थिए । अर्को समूह भने दुई मुखियासहित वीरेन्द्रनगर–१३ को करेखोलामा बस्दै आएको छ ।
