लेगानेजसँग बार्सिलोना स्तब्ध

काठमाडौँ । स्पेनिस ला लिगा अन्तर्गतको खेलमा बार्सिलोना पराजित भएको छ । गएराती सम्पन्न खेलमा लेगानेजले बार्सिलोनालाई १-० गोल अन्तरले पराजित गरेको हो । 

लेगानेजको जितमा खेलको चौथो मिनेटमा सर्जियो गोन्जालेजले गरेको गोल नै खेलको निर्णायक गोल बनेको थियो । 

यो जितपछि लेगानेजको १७ खेलमा १८ अंक भएको छ र लिगमा १५औ स्थानमा रहेको छ । 

त्यस्तै बार्सिलोनाको भने १८ खेलमा ३८ अंक रहेको छ र लिगको शिर्ष स्थानमा छ ।  त्यस्तै समान अंक रहेको एटलेटिको म्याड्रिड दोस्रो स्थानमा छन् । यद्यपी एटलेटिको एक खेल कम खेलेको छ । त्यस्तै १७ खेलमा ३७ अंक भएको रियल म्याड्रिड तेस्रो स्थानमा रहेको छ ।