बक्स अफिसमा झण्डा गाड्दै पुष्पा-२

काठमाडौँ । बलिवुड फिल्म पुष्पा-२ ले बक्स अफिसमा सफलताको नयाँ झण्डा गाडिरहेको छ । यो फिल्म ठूलो पर्दामा रिलिज भएको सात दिन मात्रै भएको छ र यसले भारतको सबैभन्दा धेरै कमाउने ५ फिल्ममा स्थान बनाएको छ ।

सुकुमार निर्देशित फिल्म ‘पुष्पा २’ ले ६ दिनमै बक्स अफिसमा ६ सय करोड क्लबमा शानदार प्रवेश गरेको छ । यसैबीच,फिल्मले विश्वव्यापी बजारमा सजिलैसँग ९०० करोडको आँकडा पार गरेको छ।

‘पुष्पा २’ ले रिलिज भएको छैटौं दिन अर्थात् पहिलो मंगलबार भारतीय बक्स अफिसमा करिब ५२ करोड ५० लाख रुपैयाँ कमाएको छ । यसले तेलुगुमा ११ करोड, हिन्दीमा ३८ करोड, तमिलमा २.६० करोड, कन्नडमा ४० लाख र मलयालममा ५० लाख कमाई गरेको छ ।

यसपछि छ दिनपछि ‘पुष्पा २’ को कुल बक्स अफिस कलेक्सन करिब ६४५.९५ करोड पुगेको छ । जसमा तेलुगुमा २२२.६ करोड, हिन्दीमा ३७०.१ करोड, तमिलमा ३७.१० करोड, कन्नडमा ४.४५ करोड र मलायालममा ११.७ करोड रुपैयाँ रहेको छ ।