लुम्बिनीमाथि जनकपुरको रोमाञ्चक एक रनको जित

काठमाडौँ । नेपाल प्रिमियर लिग (एनपीएल) मा लुम्बिनीले लगातार चौथो हार बेहोरेको छ । आइतबार सम्पन्न पहिलो खेलमा जनकपुर बोल्ट्सले लुम्बिनी लायन्सलाई एक रनले हराएको हो ।

जनकपुरले दिएको १३७ रनको लक्ष्य पछाएको लुम्बिनीले २० ओभरमा ८ विकेट गुमाउदै १३५ रन मात्र बनाएपछि खेल एक रनले हारेको हो ।

यस अघि जनकपुरले पहिला ब्याटिंग गर्दै २० ओभरमा ९ विकेट गुमाएर १३६ रन बनाएको थियो ।

प्रतियोगितामा जनकपुरको यो लगातार चौथो जित हो भने लुम्बिनीले चौथो हार बेहोरेको छ ।