- २०८१ मङ्सिर ९ आइतबार
काठमाडौँ । साउदी प्रो लिग अन्तर्गत अल हिलाल पराजित भएको छ । गएराती सम्पन्न खेलमा अल खालीजसँग अल हिलालले ३-२ गोल अन्तरको हार बेहोरेको हो ।
अल खालीजको जितमा अब्दुल्ला अल सालेमले २ गोल गरेका थिए भने फाबियो मार्टिन्सले एक गोल गरेका थिए । त्यसैगरी अल हिलालका लागि मार्कस लियोनार्दो र अलेक्जेन्डर मिट्रोभिकले एक एक गोल गरेका थिए ।
२-० गोल अन्तरले पछि रहेको अल खालीजले शानदार कमब्याक गर्दै अल हिलाललाई पराजित गरेको हो ।
यो अल हिलालको यस सिजनको पहिलो हार हो । अल हिलाल साउदी प्रो लिगमा २०२३ को मे २३ पछि पहिलो पटक पराजित भएको छ ।
यो हारपछि अल हिलालको ११ खेलमा २८ अंक रहेको छ र लिगमा शिर्ष स्थानमै रहेको छ । त्यस्तै महत्वपूर्ण ३ अंक हासिल गरेको अल खालीजको भने ११ खेलमा १९ अंक रहेको छ र लिगमा छैटौं स्थानमा रहेको छ ।
