- २०८१ मङ्सिर ३ सोमबार
काठमाडौँ । फ्रान्स र इटाली युइएफए नेसन्स लिगको क्वाटरफाइनलमा पुगेका छन् ।
गएराती सम्पन नेसन्स लिग ए को समुह बि अन्तर्गतको खेलमा फ्रान्सले इटालीलाई ३-१ गोल अन्तरले पराजित गरेको थियो । फ्रान्सको जितमा एड्रीयन राबिओटले २ गोल गरेका थिए भने इटालीका गुगलीएल्मो भिकारियोले एक गोल आत्मघाती गोल गरेका थिए । त्यसैगरी इटालीका आन्द्रेज कम्बिआसोले एक गोल गरेका थिए ।
यो जितसहित फ्रान्सको समुहमा ६ खेलमा १३ अंक भएको छ र समुह विजेताको रुपमा क्वाटरफाइनलमा पुगेको छ । त्यस्तै हारका बाबजुत इटाली समुहमा उपविजेता हुदै क्वाटरफाइनलमा पुगेको हो ।
यस समुहबाट बेल्जियम तेस्रो हुदै रेलिगेसनको प्लेअफ खेल्ने भएको छ भने चौथो स्थानमा रहेको इजरायल नेसन्स लिगको लिग बी मा रेलिगेट भएको छ । गएराती सम्पन्न खेलमा बेल्जियम इजरायलसँग १-० गोल अन्तरले पराजित भएको थियो ।
