- २०८१ असोज १४ सोमबार
काभ्रे । बाढीपहिरोबाट काभ्रे सबैभन्दा बढी प्रभावित भएको देखिएको छ ।
पछिल्लो विवरण अनुसार काभ्रेमा विहिबारदेखिको बर्षापछि बाढी पहिरोमा परेर ६६ जनाको ज्यान गएको छ । सबैभन्दा बढी मानवीय क्षति रोशी, तेमाल, पनौती, बेथानचोक पालिकामा भएको छ । जिल्लाका पालिकाबाट प्राप्त तथ्यांकअनुसार आइतबार साँझसम्म काभ्रेमा मृत्यु हुनेको संख्या ६६ पुगेको छ ।
प्रहरी तथ्यांकअनुसार आइतबार साँझसम्म काभ्रेमा १९ जना बेपत्ता र ४२ जना घाइते रहेका छन् ।
बाढी र पहिरोले रोशी गाउँपालिकामा १२ जना, तेमाल गाउँपालिकामा १२ जना र पनौती नगरपालिकामा १२ जनाको मृत्यु भएको छ । त्यस्तै बेथानचोक गाउँपालिकामा पहिरोमा पुरिएर ८ जनाको मृत्यु भएको छ भने बनेपामा बाढी पहिरोबाट ३ जनाको मृत्यु भएको छ ।
त्यस्तै मण्डनदेउपुर नगरपालिकामा ७ जनाको मृत्यु भएको छ भने नमोबुद्ध नगरपालिकामा ४ जना, धुलिखेल नगरपालिकामा ३ जना, चौंरीदेउराली गाउँपालिकामा ३ जना तथा भुम्लु र खानीखोला गाउँपालिकामा एक एक जनाको ज्यान गएको छ ।
