- २०८१ असोज ४ शुक्रबार
काठमाडौँ । नेपाली कांग्रेस र नेकपा एमालेको सरकारको न्युनतम साझा कार्यक्रम बनाउन गठन गरिएको कार्यदलले प्रतिवेदन बुझाएको छ ।
कार्यदलले प्रधानमन्त्री केपी शर्मा ओली र कांग्रेस सभापति शेरबहादुर देउवालाई बुधबार साँझ न्युनतम साझा कार्यक्रम सम्बन्धि प्रतिवेदन बुझाएको हो ।
कार्यदलमा नेपाली कांग्रेसबाट महामन्त्री गगन थापा र प्रवक्ता डा. प्रकाश शरण महत थिए भने एमालेबाट उपमहासचिवद्वय प्रदीप ज्ञवाली र विष्णु रिमाल रहेका थिए ।
सरकार गठनको दुई महिना भइसक्दा पनि सरकारले न्युनतम साझा कार्यक्रम तय नगरेको भन्दै आलोचना भएपछि दुई दलले कार्यदल बनाएका थिए ।
