काठमाडौँ । इङलिश प्रिमियर लिग अन्तर्गत म्यानचेस्टर युनाइटेडले एभर्टनलाई पराजित गरेको छ ।
शनिबार सम्पन्न खेलमा म्यानचेस्टर युनाइटेडले एभर्टनलाई २-० गोल अन्तरले पराजित गरेको हो ।
म्यानचेस्टर युनाइटेडको जितमा मार्कश राशफोर्ड र ब्रुनो फर्नानडेजले एक एक गोल गरेका हुन् । दुवैले पेनाल्टी मार्फत गोल गरेका थिए । फर्नानडेजले खेलको १२औं र राशफोर्डले खेलको ३६औँ मिनेटमा गोल गरेका थिए ।
यस सिजनमा यो म्यानचेस्टर युनाइटेडको १५औं जित हो । यो जितपछि म्यानचेस्टर युनाइटेड २८ खेलमा ४७ अंकसहित छैटौं स्थानमा रहेको छ ।
त्यसैगरी एभर्टन भने २८ खेलमा २५ अंकसहित लिगको १६औं स्थानमा रहेको छ ।