- २०८१ मङ्सिर १२ बुधबार
काठमाडौँ । बङ्गलादेशको ढाकामा जारी साफ यू–१९ महिला फुटबल च्याम्पियनसिपमा नेपालले आज भारतसँग प्रतिस्पर्धा गर्दैछ ।
ढाकास्थित बीएसएसएस मोस्ताफा कमल स्टेडियममा हुने नेपाल र भारतबीचको खेल नेपाली समय अनुसार दिउँसो ३: ४५ बजे सुरु हुनेछ।
शीर्ष दुईमा रहेर प्रतियोगिताको फाइनल खेल्न नेपालले आजको खेल जित्नै पर्ने हुन्छ । आजको खेलमा जित हासिल गरेमा नेपाल फाइनल पुग्नेछ भने पराजित भए बाहिरिनेछ ।
चार टोली सहभागी रहेको प्रतियोगितामा आयोजक बङ्गलादेश दुई खेलबाट ६ अङ्कसहित शीर्ष स्थानमा छ । नेपाल र भारतले भने समान दुई खेलबाट समान तीन अङ्क जोडेका छन् । लगातार दुई खेलमा पराजित भएको भुटान भने अङ्कबिहीन हुँदै फाइनलको दौडबाट बाहिरिसकेको छ ।
