काठमाडौँ । युएईबाट काठमाडौं आएको विमानको शौचालयमा नवजात शिशु मृत भेटिएको छ ।
बुधबार बिहान ९ बजे युएईको सारजाहबाट त्रिभुवन विमानस्थलमा अवतरण गरेको एयर अरेबिया जहाजको शौचालयमा शिशु मृत भेटिएको हो ।
त्रिभुवन अन्तर्राष्ट्रिय विमानस्थलका अनुसार एक महिला यात्रुले विमानको शौचालयमा बच्चा जन्माएकी हुन् ।
शिशु शौचालयमा मृत अवस्थामा फेला परेको थियो । शिशु हेर्दा समय नपुगी जन्मेको जस्तो देखिएको र घटनापछि प्रहरीले एक महिला यात्रुलाई पक्राउ गरी अस्पताल लगेको छ ।