- २०८१ बैशाख १५ शनिबार
काठमाडौँ । एन्जेलिना जोलीले हलिउडबाट बाहिरिने बयान दिएपछि अहिले यो विषय चर्चामा रहेको छ ।
हालै द वाल स्ट्रिट जर्नल म्यागजिनमा अन्तर्वार्तामा एन्जेलिनाले उपयुक्त समय आएपछि आफू कम्बोडियामा सर्ने योजना बनाएको बताएर सबैलाई चकित बनाएकी छन् । उनले लस एन्जल्स छोड्ने बारे सोचिरहेको बताएकी छन् । ब्राडसँग उनको सम्बन्धविच्छेद र कानुनी प्रक्रिया कारण रहेको स्वीकार गरेकी छन् ।
एन्जेलिनाले हलिउडका बारेमा आफ्नो धारणा राख्दै आएकी थिइन् । यस क्रममा उनले आफ्नो भावी योजनाहरु सुनाइन् । एन्जेलिनाले भनिन्- 'म आज अभिनेत्री बन्ने थिइनँ । जब मैले सुरु गरेकी थिएँ, त्यति सार्वजनिक हुने, यति धेरै खुलेर बोल्ने अपेक्षा गरेको थिइनँ । म हलिउडको वरिपरि हुर्किएपछि म यसबाट धेरै प्रभावित कहिल्लै भइन । यो मेरो सम्बन्धविच्छेद पछि के भयो भन्ने कुराको एक हिस्सा हो । मैले बाँच्न र स्वतन्त्र रूपमा यात्रा गर्ने क्षमता गुमाए । जब सम्भव हुने छ मा यहाँ बाट जानेछु । विश्वका सबै ठाउ मध्ये हलिउड स्वस्थ ठाउँ होइन ।'
एन्जेलिनाले पनि आफ्नो सामाजिक जीवन नभएको बताइन् । अभिनेत्रीले पनि आफू अहिले कसैसँग डेट नगरेको पुष्टि गरिन् । उनले आफ्ना सात छोराछोरी साथी भएको पनि बताए । अभिनेत्रीले भनिन्, ‘उनीहरू मेरो र मेरो जीवनका सबैभन्दा नजिकका मानिस हुन् र उहाँहरू मेरा सबैभन्दा नजिकका साथीहरू हुन् । हामी सात धेरै फरक व्यक्तिहरू हौं जो एकअर्काको शक्ति हौं ।'
