- २०८१ बैशाख २३ आइतबार
काठमाडौँ । कोलम्बिया महिला फुटबल विश्वकपको क्वाटरफाइनलमा पुगेका छ ।
मंगलबार सम्पन्न राउण्ड १६ को खेलमा कोलम्बियाले जमैकालाई १-० गोल अन्तरले पराजित गर्दै विश्वकपको क्वाटरफाइनलमा पुगेको हो ।
कोलम्बियाको जितमा काटालिना उस्मेले खेलको ५१औं मिनेटमा गरेको गोल नै खेलको निर्णायक गोल बनेको थियो ।
यो हारसँगै जमैकाको विश्वकप यात्रा समाप्त भएको छ । अब कोलम्बियाले क्वाटरफाइनलमा इङल्याण्डको सामना गर्ने छ । यो खेल अगस्त १२ मा हुने छ ।
यसका साथै कोलोम्बिया, इङल्याण्ड, अस्ट्रेलिया, जापान, स्विडेन, स्पेन र नेदरल्याण्डस महिला विश्वकपको क्वाटरफाइनलमा पुगेका छन् ।
