- २०८१ बैशाख १६ आइतबार
काठमाडौं । बंगलादेश भ्रमणमा रहेको नेपाली राष्ट्रिय महिला फुटबल टिम स्वदेश फर्किएको छ । दुईवटा मैत्रीपूर्ण अन्तर्राष्ट्रिय खेलमा सहभागिता जनाएर नेपाली टोली फर्किएको हो ।
स्वदेश फर्किएको नेपाली टोलीलाई एन्फा पदाधिकारीहरुले विमानस्थलमा फूलमालाले स्वागत गरेका थिए । अध्यक्ष पंकजविक्रम नेम्बाङ, महासचिव किरण राईलगायत पदाधिकारीहरु खेलाडीको स्वागतका लागि विमानस्थल पुगेका थिए ।
विमानस्थलमा नेपाली टोलीकी कप्तान एन्जिला तुम्बापो सुब्बाले बंगलादेश भ्रमण आउने एसियन गेमको तयारीका रुपमा लिएको बताउदै बंगलादेशलाई कडा चुनौतीका साथ जित हासिल गरेको प्रतिक्रिया दिएकी थिइन् ।
यस्तै नेपाली राष्ट्रिय महिला टिमका प्रशिक्षक अनन्तराज थापाले बंगलादेशको यही टिमसँग होम ग्राउन्डमा पराजित भए पनि उनीहरुको घरेलु मैदानमै हामीले पराजित गरेर बदला लिने मौका पाएको प्रतिक्रिया दिए ।
मैत्रीपूर्ण खेलका लागि बंगलादेश पुगेको नेपाली टोलीले पहिलो खेल १-१ गोलको बराबरी खेलेको थियो । भने दोस्रो खेलमा घरेलु टोलीलाई टाइब्रेकरमा ४-२ ले पराजित गर्दै नेपालले उपाधि जितेको हो ।
